Гэрэл зургийг MPA агентлагийн онцгой зөвшөөрөлтэйгөөр ашиглав

Манай улс 2023-2025 оныг “Монголд зочлох жил” болгон зарласан. Энэ хүрээнд 2023 онд нэг сая жуулчин хүлээж авах зорилтыг Байгаль орчин, аялал жуулчлалын яам(БОАЖЯ)-наас дэвшүүлсэн юм. 

Тэгвэл долдугаар сарын 16-ны өдөр 3,151 жуулчин ирсэн болохыг Аялал жуулчлалын хөгжлийн төвөөс мэдээлэв. 

Зорилтын дагуу өнөөдрийг хүртэлх хугацаанд нийт 402,424 жуулчин хүлээн авах тооцоолол гаргажээ. Харин долдугаар сарын 16-ны өдрийн байдлаар нийт 292,540 жуулчин манай улсыг зорин ирсэн бөгөөд гүйцэтгэл нь 72.69 хувьтай байгаа аж. 

График 1. Манай улсад зочилсон жуулчдын ирсэн улс 

https://ikon.mn/raw/2023/7/17/15523/visualisation-14461038__1_/index.html?auto=1

A Flourish data visualization

Өнөөдрийн байдлаар манай улсыг зорин ирсэн нийт жуулчдын 44 хувь нь ОХУ-аас, 17 хувь нь БНХАУ-аас, 15.8 хувь нь БНСУ-аас тус тус иржээ. 

График 2. Манай улсад зочилсон жуулчдын орж ирсэн боомт 

https://ikon.mn/raw/2023/7/17/15522/visualisation-14460938/index.html?auto=1

A Flourish data visualization

Нийт жуулчны 125,308 буюу 42.8 хувь нь “Чингис хаан” олон улсын нисэх онгоцны буудлаар, 55,429 жуулчин буюу 18.9 хувь Алтанбулаг боомтоор, 40,608 жуулчин Боршоо боомтоор тус тус орж ирсэн байна.