“Цагаан лавай” чуулга нь энэ жил уран бүтээлчдийн бүрэлдэхүүнээ 2 дахин нэмэгдүүлж, зуны турш аялал жуулчлалын “NOMADIC LEGEND” тоглолтоо шинэ уран бүтээл, шинэчилсэн хөтөлбөрөөр толилуулахаар болжээ.

Соёлын аялал жуулчлалын багцын хөтөлбөрийг 2023.06.20-2023.09.20 хэрэгжүүлэх бөгөөд хөтөлбөрт Монголын үндэсний музей, Богд хааны ордон музей, Чингис хааны музей, Гандантэгчилэн хийд, Цонжинболдог хөшөө цогцолбор, Төмөр замын чуулга 6 байгууллага нэгдэн оролцох юм.

“Цагаан лавай” чуулга нь жилийн туршид аялал жуулчлалын тоглолтыг тогтмол үзүүлж байгаа мэргэжлийн урлагийн чуулга юм. Иймд зуны улиралд хамтран ажилласан харилцагчиддаа бусад улирлын тоглолтуудаа онцгой нөхцөл, урамшуулал, үзэгчийн тоо харгалзахгүйгээр үйлчлэн хамтран ажилладаг.

Иймд 2023 оны аялал жуулчлалын үзвэртээ захиалга авч, хамтран ажиллах хүсэлтэй байгууллага, хувь хүмүүс Цагаан Лавай Чуулга / Tsagaan Lavai Ensemble хаягаар дэлгэрэнгүй мэдээллийг авах боломжтой юм.