ЗАЛУУ ХӨТЧҮҮД БАТЛАМЖАА ГАРДАН АВЛАА

June 21, 2019 1:36 am A+ / A-

Залуучуудыг аялал жуучлалын салбарт хөдөлмөр эрхлэхэд дэмжлэг үзүүлэх, тэдний мэдлэг, ур чадварыг нэмэгдүүлэх зорилготой “Нийслэлийн Залуу хөтөч” сургалтад нийт 313 залуучууд бүртгүүлж, амжилттай суралцсан 227 залуучууд батламжаа гардан авлаа.

Нийслэлийн Засаг даргын хэрэгжүүлэгч агентлаг Аялал жуулчлалын газар, Гэр бүл, хүүхэд, залуучуудын хөгжлийн газар хамтран “Нийслэлийн Залуу хөтөч” аяллын хөтчийн талаарх анхан шатны мэдлэг олгох сургалтыг 3 дахь жилдээ Нийслэлийн иргэдийн Төлөөлөгчдийн Хурлын Ажлын албаны дэмжлэгтэйгээр энэ 6 дугаар сарын 17-19-ний өдрүүдэд нийслэлийн Иргэний танхимд зохион байгууллаа.

Сургалтад хамрагдан, батламжаа гардан авсан суралцагч Б.Үнэнбат “Өмнө нь аяллын хөтчийн талаарх өнгөцхөн ойлголттой байлаа. Харин энэхүү сургалтад хамрагдсанаар аяллыг эрсдэлгүй, сонирхолтой зохион байгуулах хөтөлбөр хэрхэн гаргах, дэлхийн олон орны соёлын ялгааны талаарх ойлголт, эмнэлгийн анхны тусламжийг хэрхэн хүргэх, Монгол орныхоо соёлын дурсгалт газруудын талаарх мэдээлэл зэрэг олон талын цогц мэдлэгийг богино хугацаанд аялал жуулчлалын чиглэлээр мэргэшсэн багш нараас авсандаа баяртай байна” гэлээ.

Амжилттай суралцсан залуучуудаас сургалтын агуулгын хүрээнд эссэ бичих болон тестийн шалгалт авч өндөр оноо авсан 90 залуучууд өнөөдөр “Сити Тур” хотын автобустай аялалд хамрагдан, Улаанбаатар хотын түүх, соёлын дурсгалт газруудаар мэргэжлийн хөтчийн хамт танилцах дадлага хийлээ.

НИЙСЛЭЛИЙН АЯЛАЛ ЖУУЛЧЛАЛЫН ГАЗАР

 

ЗАЛУУ ХӨТЧҮҮД БАТЛАМЖАА ГАРДАН АВЛАА Reviewed by on . Залуучуудыг аялал жуучлалын салбарт хөдөлмөр эрхлэхэд дэмжлэг үзүүлэх, тэдний мэдлэг, ур чадварыг нэмэгдүүлэх зорилготой “Нийслэлийн Залуу хөтөч” сургалтад нийт Залуучуудыг аялал жуучлалын салбарт хөдөлмөр эрхлэхэд дэмжлэг үзүүлэх, тэдний мэдлэг, ур чадварыг нэмэгдүүлэх зорилготой “Нийслэлийн Залуу хөтөч” сургалтад нийт Rating: 0
scroll to top