“Дээлтэй Монгол наадам” маргааш буюу 7-р сарын 9-ний өдрийн 11 цагт Жанжин Д.Сүхбаатарын талбайд эхэлнэ. Наадамд аймаг, нийслэл, дүүргийн иргэд, аж ахуй нэгж байгууллагын албан хаагчид болон мэргэжлийн холбоодын төлөөлөл хамгийн сайхан дээл хувцсаараа гоён жагсдаг.
Мөн Монгол туургатан улсуудын төлөөлөл үндэсний дээл хувцсаараа өнгө нэмж оролцдог уламжлалтай. Энэ удаагийн наадамд БНХАУ-ын Хөх нуурын Дээд монгол, ӨМӨЗО-ны Алшаа аймаг, Манжуур хот болон ОХУ-ын Бүгд найрамдах Тува улсаас нийтдээ 200 гаран хүн оролцох бөгөөд Алшаа аймгаас ирсэн оролцогчид маань өнөөдөр Жанжин Д.Сүхбаатарын талбайд бэлтгэлдээ гарчээ.