Нийслэлийн Аялал жуулчлалын газраас “Бүх нийтийн аяллын боловсролын нэмэгдүүлэх аян”-ы хүрээнд аяллын боловсрол олгох, зөв аялах дадлыг бий болгох зорилгоор Нийслэлийн нутгийн захиргааны байгууллагын албан хаагчдад мэдлэг, мэдээлэл олгох сургалтыг зохион байгуулж байна.
Энэ хүрээнд Нийслэлийн Дагуул хот, эдийн засгийн тусгай бүсийн хөгжлийн газар, Нийслэлийн цагдаагийн удирдах газрын Шөнийн эргүүлийн хэлтэс, Нийслэлийн Гэр бүл, хүүхэд, залуучуудын хөгжлийн газрын албан хаагчид сургалтад хамрагдаж, “Mongolian guide tour” ХХК-ийн захирал, аялал жуулчлалын зөвлөх Ч.Буянбадрах аялал жуулчлалын салбарын онцлог, гадаад дотоодын жуулчдын сонирхол, аяллыг төлөвлөх, зөв аялах талаар сонирхолтой лекц уншлаа.
