“UB FOOD FESTIVAL” БОЛЖ ӨНДӨРЛӨЛӨӨ

Жил бүр зохион байгуулагддаг “UB Food Festival” арга хэмжээ 5 дахь жилдээ 2017 оны 09 дүгээр сарын 02,03-ны өдрүүд буюу өнгөрсөн амралтын өдрүүдэд “Гэрэлт гудамж”-нд амжилттай зохион байгуулагдаж өндөрлөлөө.

“UB food festival” нь Монгол хоолны соёлыг гадаадын жуулчдад таниулах, бусад улс орнуудын хоолны соёлыг эх орондоо түгээн дэлгэрүүлэх, иргэдийн зохистой хооллолтын талаарх ойлголтыг дээшлүүлэх, тусгай сонирхлын аялал жуулчлалыг хөгжүүлэх зорилготой юм.

Гэрэлт гудамжинд үйл ажиллагаа явуулж байгаа хоолны газрууд олон төрлийн хоолыг шинээр бэлтгэн хоолны цэсээ шинэчлэж оролцов. Өдөрлөгийн үеэр аж ахуйн нэгжүүд өөрсдийн нэрийн бүтээгдэхүүн, улс үндэстний төрөл бүрийн хоол, зууш амттаныг багасгасан хэмжээтэйгээр бэлтгэж, хямд үнээр иргэдэд үйлчиллээ.

21362402_1583119665042305_893523625_o

Уг өдөрлөгт хүрэлцэн ирсэн иргэдэд хамгийн чанартай, амтлаг хоол хүнсээр хурдан шуурхай үйлчилж, олны талархлыг хүлээсэн нэг аж ахуйн нэгжээр ОТД ХХК-ийн Баян монгол ресторан, шилдэг тогоочоор Broadway сүжээний тогооч Шижирбат шалгаран өргөмжлөл мөнгөн шагналаар шагнууллаа. Мөн хүрэлцэн ирсэн иргэдийн дунд “Хэн олон хотдог, бургер идэх вэ?”, “Хэн хамгийн хурдан зайрмаг идэх вэ?” зэрэг хэд хэдэн төрлийн тэмцээн, уралдаан, янз бүрийн сонирхолтой урлаг, соёлын үзүүлбэрүүдийг зохион байгуулж тэмцээнд идэвхтэй оролцсон иргэдийг ивээн тэтгэгчдийн гарын бэлэг, мөнгөн шагналаар шагналаа.

Үүнээс гадна 3 минутад хэрхэн цуйван хийх аргыг Монголын хоол урлахуйн нийгэмлэгийн тогооч, Монгол улсын мастер тогооч Б.Дэлгэр үзэгчдэд толилууллаа.

Хоолны талаар хэн сайн мэдэх вэ хөгжөөнт AXA тэмцээний ялагч

21390552_1583119728375632_826791534_o

21330618_1583119698375635_702350222_o

“Хэн хамгийн олон бургер идэх вэ?” тэмцээний ялагч

21362056_1583119705042301_1831002517_o

21363458_1583119631708975_1077708420_o

Zesto брэндийг сурталчилсан шилдэг оролцогч

21329847_1583119591708979_541041218_o

“UB food festival” нь гэр бүл, найз нөхдөөрөө жил болгон зорин ирдэг Улаанбаатар хотод зохиогддог гол арга хэмжээнүүдийн нэг юм. Нийслэлийн Аялал жуулчлалын газраас нийслэлчүүдээ болон гадаад дотоодын жуулчдыг амралт, чөлөөт цагаа зөв боловсон өнгөрүүлэх төрөл бүрийн арга хэмжээг зохион байгуулах болно.

21330600_1583119601708978_514997643_o

21390550_1583119641708974_1618564586_o

21389485_1583119605042311_259172197_o

21363215_1583119678375637_1478860375_o

Арга хэмжээний ивээн тэтгэгчээр Мега Малл ХХК-ийн Zesto брэнд, зохион байгуулагчаар Нийслэлийн Аялал Жуулчлалын газар Монголын Тогооч нарын Холбоотой хамтран ажиллалаа.

“UB FOOD FESTIVAL” БОЛЖ ӨНДӨРЛӨЛӨӨ Reviewed by on . Жил бүр зохион байгуулагддаг “UB Food Festival” арга хэмжээ 5 дахь жилдээ 2017 оны 09 дүгээр сарын 02,03-ны өдрүүд буюу өнгөрсөн амралтын өдрүүдэд “Гэрэлт гудам Жил бүр зохион байгуулагддаг “UB Food Festival” арга хэмжээ 5 дахь жилдээ 2017 оны 09 дүгээр сарын 02,03-ны өдрүүд буюу өнгөрсөн амралтын өдрүүдэд “Гэрэлт гудам Rating: 0

Сэтгэгдэл үлдээх

scroll to top