МОНГОЛ ОЛЛЕ ЯВГАН АЯЛЛЫН ЧИГЛЭЛИЙН НЭЭЛТ 06 ДУГААР САРЫН 18, 19-НД БОЛНО.

            Нийслэлийн Аялал жуулчлалын газар БНСУ-ын Чежү хотын Аялал жуулчлалын газар, “Чежү Олле” нийгэмлэгтэй хамтран Улаанбаатар хот орчимд олле стандартын дагуу явган аяллын чиглэл тогтоон, тэмдэгжүүлэх ажлыг өнгөрсөн жилийн 6 дугаар сараас эхлэн хэрэгжүүлж байгаа билээ. Олле гэдэг нь Чежүгийн эртний аялгаар “гудамж талбайгаас гэрийн хашаа хүртэлх нарийхан зам” гэсэн утгатай үг бөгөөд БНСУ-д  2006 оноос хойш Чежү арлыг  тойрсон 26 курс, 425 км явган аяллын чиглэлийг тэмдэгжүүлсэн байдаг аж. Олле явган аяллын чиглэл нь Солонгос улсад хурдан хугацаанд хөгжиж, олон хүний алхах дуртай зам болсон бөгөөд зам дагуух тэмдэг, тэмдэглэгээ нь байгаль орчинд сөрөг нөлөөгүй материалуудаар хийгддэг. Өмнө Япон улсад нээгдсэн бөгөөд Монгол улс олле явган аяллын стандартын замтай гурав дахь орон болж байна.

olle

 

                 Энэхүү ажлын хүрээнд Олле явган аяллын чиглэлийг Горхи Тэрэлжийн БЦГ, Богд уулын ДЦГ-т тус бүр нэг нэг чиглэлийг тогтоож, 2017 оны 05 дугаар сарын 20-ноос зам дагуу тэмдэг, тэмдэглэгээ байрлуулах ажлыг эхлүүлсэн байна. 06 дугаар сарын 18, 19-нд Монгол Олле явган аяллын чиглэл нь нээгдэж, хүмүүс алхах боломжтой болох юм байна.

НИЙСЛЭЛИЙН АЯЛАЛ ЖУУЛЧЛАЛЫН ГАЗАР

МОНГОЛ ОЛЛЕ ЯВГАН АЯЛЛЫН ЧИГЛЭЛИЙН НЭЭЛТ 06 ДУГААР САРЫН 18, 19-НД БОЛНО. Reviewed by on .             Нийслэлийн Аялал жуулчлалын газар БНСУ-ын Чежү хотын Аялал жуулчлалын газар, “Чежү Олле” нийгэмлэгтэй хамтран Улаанбаатар хот орчимд олле стандартын             Нийслэлийн Аялал жуулчлалын газар БНСУ-ын Чежү хотын Аялал жуулчлалын газар, “Чежү Олле” нийгэмлэгтэй хамтран Улаанбаатар хот орчимд олле стандартын Rating: 0

Сэтгэгдэл үлдээх

scroll to top